མཛོད་དུ། འཛམ་བུ་གླིང་སྟེ་ངོས་གསུམ་ལ། །སྟོང་ཕྲག་གཉིས་སོ་ཤིང་རྟའི་དབྱིབས། །གཅིག་ལ་དཔག་ཚད་ཕྱེད་དང་བཞི། །ཞེས་པའི་འགྲེལ་བར་འཆིམས་འཇམ་པའི་དབྱངས་ཀྱིས། འཛམ་བུ་གླིང་སྟེ་ཚད་ནི་ངོས་གསུམ་དཔག་ཚད་སྟོང་ཕྲག་གཉིས་གཉིས་ཡོད་ལ་ངོས་གཅིག་སྟེ་ཁོར་ཡུག་ལ་བསྟན་པ་ལ་ནི་དཔག་ཚད་ཕྱེད་དང་བཞི་ཡོད་དོ། ཞེས་སྦྱར་རོ། ངོས་དག་ཚད་མཉམ་པ་ཡིན་ནམ་ཞེ་ན་མ་ཡིན་ཏེ། གླིང་འདི་ནི་ཤིང་རྟའི་དབྱིབས་སུ་ཡོད་པའི་ཕྱིར་ཏེ། མཐའ་བསྐོར་ན་དཔག་ཚད་སྟོང་ཕྲག་དྲུག་དང་ཕྱེད་དང་བཞི་ཡོད་དོ། ། ཞེས་གསུངས་འདུག
ངས་བསམ་ན་སློབ་དཔོན་དབྱིགས་གཉེན་གྱིས་རྒྱ་གར་གྱི་སྲོལ་རྒྱུན་གྱི་བཤད་སྲོལ་གཞིར་མཛད་ནས་གསུངས་པ་གོར་མ་ཆག་ལ་ཤིང་རྟའི་དབྱིབས་གཟུགས་སུ་ཇི་ལྟར་ཡོང་བ་གཏན་མི་གསལ་ཤིང་གོང་དུ་གསུངས་པའི་མཛོད་ཀྱི་ཚིག་རྐང་གསུམ་གྱི་དོན་ནི་འདིར་བྲིས་པའི་རི་མོ་ཟུར་གསུམ་ལྟ་བུ་ཞིག་ལས་མི་འོང་འདུག ད་འོ་ན་ཤིང་རྟ་ཟེར་བ་གང་ལ་ངོས་འཛིན་དགོས། འཁོར་ལོ་དང་། གཞོངས་པ། འཐེན་ཡུ། དེ་ཀུན་ཚོགས་པ་དེ་ཡིན་ན་དབྱིབས་འདི་འདྲ་བ་ཟུར་གསུམ་མགོ་ཆད་ཅིག་ཏུ་ཡོང་ཐབས་ཡོད་དམ།
ཚན་རིག་པས་བཤད་སྟངས་ལྟར་བྱས་ན་ས་ལྒང་འདི་ཉིད་རིལ་རིལ་ལྗང་མདོག་ཅན་ཞིག་ཏེ་འདི་གཉིས་ནམ་ཡང་སྦྱར་ཀྱང་མི་འབྱོར་བ་ཞིག་ཏེ་སྟག་གི་ཡ་མགོ་དང་སེང་གེའི་མ་མགོ་བཞིན་ནོ། དང་པོ་གྲུབ་པའི་དུས་སུ་ཤིང་རྟའི་དབྱིབས་ཏེ་སློབ་དཔོན་གྱི་གསུངས་པ་བཞིན་ཡོད་ནའང་མི་ལོ་ཐེར་འབུམ་མང་པོར་འཇམ་རྩུབ་ཅི་རིགས་སུ་བརྡར་བས་དེ་རིང་ཚན་རིག་པས་བཤད་པ་བཞིན་རིལ་རིལ་འདི་ཉིད་ཏུ་གྲུབ་པས་འགལ་བ་ཅི་ཡང་མེད་གསུངས། འོ་ན་རླུང་གིས་ཕྱོགས་ཀུན་ནས་བརྡར་འགྲོ་བས་དེ་རིང་ཚན་རིག་པས་མཐོང་བའི་འཛམ་གླིང་འདིའང་ཟུར་གསུམ་ཟད་པོ་ཞིག་ཏུ་མངོན་དགོས་སྟེ། དཔེར་ན་གཟུགས་པོ་ཁྲུས་བྱེད་ཡིས་ཙི་ཟད་པའི་སྐབས་སུའང་སྔར་གྱི་ནུར་ནུར་དང་། གྲུ་བཞིའི་རྣམ་པ་ལས་རིལ་རིལ་བྱ་སྒོང་ལྟ་བུ་མི་ཡོང་བ་ང་ཚོ་མངོན་སུམ་གྱིས་གྲུབ་པའི་ཕྱིར། དེས་ན་ཆོས་ཚན་གཉིས་ཀྱི་རང་རང་གི་ལུགས་ཀྱིས་འཇིག་རྟེན་ཆགས་རབ་དེ་དག་ཞིབ་ཅིང་ཕྲ་བས་གཏན་ལ་ཕབ་པའི་རྗེས་སུ་ཆོས་ཚན་གཉིས་ཀྱི་བཤད་སྟངས་ཐོད་ཐུག་ཡོད་ན་རབ་དང་། གལ་ཏེ་ཐོད་མ་ཐུག་ནའང་གང་ཉིད་རིག་པ་མི་འགལ་ཞིང་སྒྲུབ་བྱེད་མང་བ་དེ་ཉིད་ཁས་ལེན་བྱེད་ན་འོས་པར་སེམས། གཞན་དང་པོ་ཉིད་ནས་མངོན་པ་ནས་བཤད་སྟངས་འདི་དག་ཚན་རིག་དང་འགལ་མི་ཡོང་ངམ་སྙམ་པའི་སྐྲག་སྣང་གིས་ཞིབ་འཇུག་བྱས་ན་མི་མངོན་པའི་ཟུར་ནས་ཆོས་ཚན་གཉིས་ཀྱི་གྲུབ་དོན་གཅིག་ཏུ་སྒྲུབ་པ་ལ་གཞོལ་བར་དོགས་སོ། དེ་ལྟར་དུ་སོང་ན་གཟུར་གནས་བློ་ལྡན་ཟེར་བ་སོགས་ཀྱང་ཡོང་མིན་ཐེ་ཚོམ་རེད།
ངས་བསམ་ན་སློབ་དཔོན་དབྱིགས་གཉེན་གྱིས་རྒྱ་གར་གྱི་སྲོལ་རྒྱུན་གྱི་བཤད་སྲོལ་གཞིར་མཛད་ནས་གསུངས་པ་གོར་མ་ཆག་ལ་ཤིང་རྟའི་དབྱིབས་གཟུགས་སུ་ཇི་ལྟར་ཡོང་བ་གཏན་མི་གསལ་ཤིང་གོང་དུ་གསུངས་པའི་མཛོད་ཀྱི་ཚིག་རྐང་གསུམ་གྱི་དོན་ནི་འདིར་བྲིས་པའི་རི་མོ་ཟུར་གསུམ་ལྟ་བུ་ཞིག་ལས་མི་འོང་འདུག ད་འོ་ན་ཤིང་རྟ་ཟེར་བ་གང་ལ་ངོས་འཛིན་དགོས། འཁོར་ལོ་དང་། གཞོངས་པ། འཐེན་ཡུ། དེ་ཀུན་ཚོགས་པ་དེ་ཡིན་ན་དབྱིབས་འདི་འདྲ་བ་ཟུར་གསུམ་མགོ་ཆད་ཅིག་ཏུ་ཡོང་ཐབས་ཡོད་དམ།
ཚན་རིག་པས་བཤད་སྟངས་ལྟར་བྱས་ན་ས་ལྒང་འདི་ཉིད་རིལ་རིལ་ལྗང་མདོག་ཅན་ཞིག་ཏེ་འདི་གཉིས་ནམ་ཡང་སྦྱར་ཀྱང་མི་འབྱོར་བ་ཞིག་ཏེ་སྟག་གི་ཡ་མགོ་དང་སེང་གེའི་མ་མགོ་བཞིན་ནོ། དང་པོ་གྲུབ་པའི་དུས་སུ་ཤིང་རྟའི་དབྱིབས་ཏེ་སློབ་དཔོན་གྱི་གསུངས་པ་བཞིན་ཡོད་ནའང་མི་ལོ་ཐེར་འབུམ་མང་པོར་འཇམ་རྩུབ་ཅི་རིགས་སུ་བརྡར་བས་དེ་རིང་ཚན་རིག་པས་བཤད་པ་བཞིན་རིལ་རིལ་འདི་ཉིད་ཏུ་གྲུབ་པས་འགལ་བ་ཅི་ཡང་མེད་གསུངས། འོ་ན་རླུང་གིས་ཕྱོགས་ཀུན་ནས་བརྡར་འགྲོ་བས་དེ་རིང་ཚན་རིག་པས་མཐོང་བའི་འཛམ་གླིང་འདིའང་ཟུར་གསུམ་ཟད་པོ་ཞིག་ཏུ་མངོན་དགོས་སྟེ། དཔེར་ན་གཟུགས་པོ་ཁྲུས་བྱེད་ཡིས་ཙི་ཟད་པའི་སྐབས་སུའང་སྔར་གྱི་ནུར་ནུར་དང་། གྲུ་བཞིའི་རྣམ་པ་ལས་རིལ་རིལ་བྱ་སྒོང་ལྟ་བུ་མི་ཡོང་བ་ང་ཚོ་མངོན་སུམ་གྱིས་གྲུབ་པའི་ཕྱིར། དེས་ན་ཆོས་ཚན་གཉིས་ཀྱི་རང་རང་གི་ལུགས་ཀྱིས་འཇིག་རྟེན་ཆགས་རབ་དེ་དག་ཞིབ་ཅིང་ཕྲ་བས་གཏན་ལ་ཕབ་པའི་རྗེས་སུ་ཆོས་ཚན་གཉིས་ཀྱི་བཤད་སྟངས་ཐོད་ཐུག་ཡོད་ན་རབ་དང་། གལ་ཏེ་ཐོད་མ་ཐུག་ནའང་གང་ཉིད་རིག་པ་མི་འགལ་ཞིང་སྒྲུབ་བྱེད་མང་བ་དེ་ཉིད་ཁས་ལེན་བྱེད་ན་འོས་པར་སེམས། གཞན་དང་པོ་ཉིད་ནས་མངོན་པ་ནས་བཤད་སྟངས་འདི་དག་ཚན་རིག་དང་འགལ་མི་ཡོང་ངམ་སྙམ་པའི་སྐྲག་སྣང་གིས་ཞིབ་འཇུག་བྱས་ན་མི་མངོན་པའི་ཟུར་ནས་ཆོས་ཚན་གཉིས་ཀྱི་གྲུབ་དོན་གཅིག་ཏུ་སྒྲུབ་པ་ལ་གཞོལ་བར་དོགས་སོ། དེ་ལྟར་དུ་སོང་ན་གཟུར་གནས་བློ་ལྡན་ཟེར་བ་སོགས་ཀྱང་ཡོང་མིན་ཐེ་ཚོམ་རེད།
